This HTML version prepared by the UDHR in XML project, http://efele.net/udhr.
Mangarajumi ala panjangkonon uruk ni tohonan na tandos dohot tohap-tohap na sarupa jala ndada dapot dibutbut sian luhut ruas sisolhot jolma marupahon dasor sian haluaon, hatigoran dohot pardamean di portibi,
Ala haleason dohot pangaleaan maradophon tohap ni manisia nunga mangkorhon parulan na so ture na naung mamugangi roha ni ruas jolma, jala portibi didia jolma naeng manikmati haluaon mandok hata dohot marhaporseaon dohot haluaon sian roha biar dohot sian hahurangan nunga dibaritahon ansiat sinta-sinta na tumimbo sian jolma na somal,
Ala ringkot do, molo manisia ndada tarpaksa mangalap dalan na asing, ansiat upaya na parpudi, laho mamborontak mangalo panindason, ala tohap ni manisia ingkon diondihon marhitehite ruhut ni uhum,
Hape mansai ringkot do laho manalopi pangambangon ni parbogason pardonganan sian akka bangso-bangso.
Ala bangso-bangso sian Pardomuan Bangso-Bangso dalom surat nunga manangkasi muse haporseaon nasida di tohap manisia na mandasor, di tohonan dohot arga diri ni manisia jala di hadoson tohap baoa dohot parompuan jala nunga marsitutu laho mamajuhon hamajuan sosial dohot tarap ni hangoluan na lobi denggan haluaon na lobi balga,
Ala ruas ni Nagara-nagara nunga marjanji laho mandapot, rap mangula dohot Pardomuan Bangso-Bangso pamajuon pasangapon natorop dohot pangolooloan dohot hataaton maradophon tohap ni manisia dohot haluaon dasar,
Manimbang ala pangantusion rap tontang tohap-tohap dohot haluaon-haluaon on ima na timbil ringkot di mangulahon padan on,
Nuaeng angkup alani i,
Majelis Umum,
Manatahon Tingting Tohap ni Manisia on ansiat gabe hatotapon boa padungdungion tu sude jolma dohot sude bangso, dohot tahi asa ganup poti ni masarakat, jala gabe mangingot tingting on, laho mangusahahon pangajaron dohot parsiajaran laho mamajuhon hasangapon taradop tu tohap-tohap on. Tohap dohot haluaon dohot langka-langka progresif, nasional jala internasional, laho padamehon dohot pangolooloan universal jala tulbas nasida, tama di masarakat luat di toru ni yurisdiksi nasida.
Ganup manisia ditubuhon lentes dohot marimbang di bagas tohonan dohot tohap dibagabagahon do di nasida angkal huhut roha jala ingkon mangalalushon taradop sada tudoshon na asing di bagas girgir pardonganon.
Ganup jolma martohap di sude tohap dohot haluaon na tarsurat di tingting on, sopola mangimbarhon bangso (marga), uarna sisik, ragam (pilat), bahasa, ugamo,politik manang pandapot na asing, haroro ni (asal/bona) habangsoon manang social, hagabeon, parsorang, manang pangkat na asing.
Angkup ni i, ndada boi paimbarhon siala dasor pangkat politik, yurisdiksi manang internasional, sian nagara manang luat sasahalak maringanan, atik na independen, perwalian, dang marpamarentaon sandiri manang di toru tuho hadaulaton na asing.
Ganup jolma martohap di ngolu, haluaon, dohot hadameon diri.
Ndada sahalak pe laho ditahan di bagas parhatobanon manang panghatobanon; parhatobanon dohot parboniagaan anak lobu ingkon dioraidohot di sagala rupana.
Ndada sahalak pe na di loas mandalani pamusaon manang parlakkuon manang panguhuman na jungkat, dang manusiawi, manang manoruhon tohonan.
Ganup jolma martohap panjangkonon di dia pe gabe diri di adopan uhum.
Saluhut (manisia) dos do i di jolo ni uhum laos martohap do di atas parlinggoman ni uhum na sarupa sopola mardingkan. Saluhut (manisia) martohap parlinggoman na dos di ganup dingkan na mangose tingting on jala tu sude hasutan bahen mangulahon dingkani.
Nasa jolma martohap di paulakhon na tulbas sian pengadilan nasional na malo di parulan na mangalaosi tondolan ni tohap na dilehon tu ibana sian konstitusi manang undang-undang (tonggo/hara).
Ndada sahalak pe na boi ditangkup, ditahan, manang dipinjilhon marlomo-lomo.
Ganup jolma martohap di bagas parrentaon na gok di atas pamaresoon na bonar huhut tarbuha marhitehite sada pengadilan na mardeka jala dang mardingkan manontuhon tohap dohot toktokna laos di siganup pangaluan pidana na didabuhon tu ibana.
1. Jolma na dituhas na so jadi dokhonon marsala andorang so dipartahi jala diangkupi sude na ringkot laho mangapini dirina.
2. Ndada sahalak pe nisalahon mamabaen tindak pidana ala ni pambaenan na lalap na so pola tindak pidana hombar tu aturan Nasional dohot Internasional, jala dang boi dipadabu uhuman na umborat sian uhum na masa di tingki mambaen hasalaan.
Ndada sahalak pe boi diardoi hamoraon, hagabeon, dohot hasangapona. Sude jolma martohap digomgomi sian sude na jat.
1. Nasa jolma martohap do marhangoluan dohot mangula di angka parbalokan naung ditontuhon pamarenta (Nagara).
2. Nasa jolma martohap manadinghon nagara diape agia nagarana sandiri, dohot mulak tu nagarana muse.
1. Nasa jolma martohap laho manghilala haulion ni nagara na asing sian pandoboon.
2. Namasa on dang boi dipakke maradophon kasus penuntutan na tarida sian hajahaton na so politik manang na maralo tu tahi ni Perserikatan Bangsa-Bangsa.
1. Nasa jolma martohap markewarganagaraan.
2. Ndada sahalak pe marlomo-lomo dibutbut kewarganagaraanna manang ditulak tohap na laho mangganti kewarganagaraanna.
1. Baoa dohot boru-boru na matoras, naso adong bolatbolat alani ras, kebangsaan manang ugamo, boi do laho marhasohotan dohot mamukka parsaripeon. Dang adong imbar na di nasida soal parsaripeon, saleleng parsaripeon dohot nalao marsirang.
2. Parsaripeon boi diulahon molo mardos ni roha nasida nadua.
3. Sisolhot ima hasadaan ni masyarakat naparjolo, jala ingkon mandapot parlinggoman sian natorop dohot bangso.
1. Ganup jolma martohap laho marhamoraon na be manang raphon dongana.
2. Ndada jolma na boi dirampas hamoraona na so sian dalana.
Nasa jolma martohap lentes marpingkir, maroha, dohot marugamo; jala boi mangganti ugamo manang haporseaona, jala boi do muse tu diritta sandiri manang tu halak, di joloni natorop manang di sihabunian, laho mangulahon ugamo manang haporseaona hombar tu pangajarion, pangulahonon, dohot partangiangan.
Sude jolma boi do mandok hata dohot mangulahon; dohot mai boi mangalehon hata nasoadong abal-abal dohot nalao mangalului, manjalo dohot pasahatton barita dohot hata sian media ahape, jala dang marimbar.
1. Nasa jolma lentes marpungu dohot berserikat di bagasan dame.
2. Nasa jolma pe dang boi dipaksa laho marpungu di bagasan perserikatan.
1. Ganup jolma martohap laho mambuat jambar di pamarentaon di nagarana, sandiri manang marhitehite paruakkilan na ditodo.
2. Ganup jolma martohap dapot panghobasonnatorop di nagarana.
3. Hombar tu lomo ni roha ni jolma na gabe bingkas hahuasaon ni pamarenta; harohaon on ingkon di tolhashon dibagas pamiliton na marombas dohot pita na laho di ulahon dohot tohap pamiliton na tarias dohot na marimbang, jala naeng dipaadong dohot papunguhon soara pisik manang dohot termin papunguhon soara malua na marimbang.
Ganup jolma, songon ruas ni masarakat, martohap mandapot pahangkungon dohot realisasi, sian pambahenan nasional dohot harentaon internasional jala hombar tu punguan dohot gogo ni nagara, tohap ni ekonomi, sosial, dohot ugari na porlu tu hasangapona dohot laho parhambangon hadirionna.
1. Ganup jolma martohap laho mangula, lentes mamillit ulaon, kondisi ulaon na tigor dohot abak jala parlindongon sian parlindungan sian naso karejo dope.
2. Ganup jolma, sopola mardingkan aha pe, martohap gaji na sarupa tu ulaon na sarupa.
3. Ganup jolma na mangula martohap gaji na tigor jala abak na boi mananggung hangoluonna sandiri dohot tondongna gabe hangoluan na patut bahen hasangapon ni manisia, jala molo porlu di tamba dohot pahangkungon.
4. Ganup jolma pahangkungon laho mambahen jala mardomu dohot punguan parkarejo laho manggomgomi haringkotonna.
Ganup jolma martohap laho mangalap gogo dohot marsonang, padohot jom karejo na patut jala pakansi marombas dohot gaji.
1. Ganup jolma martohap taraf hangoluan na singkop tu hasehaton dohot hadumaonna dohot tondongna, padohot balanjo, pahean, parjabuan,dohot hahipason angkup pangurupion sosial na diporluhon, dohot tohap borotan di tikki naso karejo, marsahit, martihas, namabalu, namatua manang hahurangan di ngolungoluna na asing di bagas passorion naso tarparesona.
2. Tingki itataring dohot tingki dakdanak martohap panjagaon dohot pangurupion sudung. Sude dakdanak, na tubu dibagas manang di luar parsaripeon, ingkon mandai parlindungan sosial na Sarupa/ dos.
1. Ganup jolma martohap tu parsiajaran, parsiajaron ingkon dang martuhor, pinomat di tahap dasor dohot fundamental. Parsiajaron dasar ingkon diwajibhon. Parsiajaron teknis dohot professional ingkon tarparade tu natorop parsiajaron na timbo ingkon boi di lului mandosdos angkup sude jolma marhitehite hamaloonna.
2. Parsiajaron ingkon di jujui laho pangambangon hadirion jolma sahibulna jala laho margogoihon panghormaton maradophon tohap ni jolma dohot haluaon na bingkas. On naeng patuginjang pangantusion, toleransi dohot pardonganon di holangholang saluhut bangso, horong ras dohot ugamo, huhut laho mamajuhon pardomuan bangso-bangso di namanjaga pardamean.
3. Natoras martohap naparjolo hian laho mamillit ragam parsiajaron na naeng dilehon tu anak- anakna.
1. Ganup jolma martohap laho parsidohot di bagasan hangoluan kebudayaan masarakat. Menikmati ujar dohot ihut angkup bagas hamajuon parbinotoan dohot artina.
2. Ganup jolma martohap pangondian haringkoton ni parange dohot material na diabakkon sian produksi ilmiah, sastra, manang seni aha pe didia ibana ma panompana.
Ganup jolma martohap ruhutruhut sosial dohot internasional di dia tohap dohot haluaon na adong di bagasan tingting on boi pamasahon sahibulna.
1. Ganup jolma nampuna toktok maradophon parsadaan/parpunguan di dia pangambangon hadirionna na malua dohot gok kemungkinan.
2. Di namangulahon tohap dohot haluaonna, sude jolma holan boi tunduk tu bolatbolat naung di tontuhon undang-undang nama dohot sangkap laho mananggung panjangkonon dohot panghormaton na sapatutna tohap dohot haluaon ni halak jolma dohot na laho manggohi syarat na tingkos sian ketertiban ni natorop dohot hadumaon ni natorop di masarakat demokratis.
3. Tohap dohot haluaon on sasahali dang boi di hangoluhon maralo rap sipareahon dohot hadirion pardomuan ni bangso bangso.
Ndada sada pe di bagasan tingting on na boi dilapati na mangalehon tohap tu nagara, saringkat manang jolma dia pe na gabe dohot di bagasan ulaon aha pe manang nalaho mangulahon parulaon aha na ditodo laho manghassurhon tohap dohot haluaon aha pe na adong di son.