Artículo 1

Namutu ‘chañono tisopkoriono tiuchkono ene tkutkokono to natsï ‘ok ‘revono ene tkírono ene, tkosono oypuka takoyemo to tjicha ene naemotgienena, najikpuigiapo nakchugikoko ma etona ene ma ‘pona.

Artículo 2

Namutu ‘chañono tkoy’ cono tamautu to naejrone ene tisopkoreono tkechjisiosi të to takepyagne, vo takneröyore to novkurena, anemoi, ‘jiro, ‘sétamuchchujcha navo ognena, tëto ‘chanerano, Takviyvópka, nochsine vo’i tajpuka Takyemo.

Etojnoch’o, vo takneriöyóre takepyayre tëto taggiote to naponnrerína, tákotpiru vo’i té puka‘póna ‘vosare taye’e to novs vo’i ‘pog’epka topa’iwinaripka mae’e etona ‘cháme, tëto takechjisiosi to etona ‘vosare taeptsivo, kuti to etona ‘pg’e takéchpojriksignena, vo etojiwina vo’i nanokgienéna te ‘póna tchjïku ‘a to tkukiyara’o.

Artículo 3

Namutu ‘chañono tkijorono takitorisiegnóno, tisopkoreyore ene tkechpojriksiyreono to nog’e.

Artículo 4

Najina takosiopyore nakajiréyre takvonnráyre: to nakajire wipo taesopkore to tímponn’nojrigiano tajina nág’gioyre.

Artículo 5

Najina takimponn’nojkosyore nakajireyre taesvoykoyre to namujniráyre.

Artículo 6

Namutu ‘chañono tkijrono, te tamuchchujcha no’a, to naemotkorevoyre to’chanerano tákotpigiene.

Artículo 7

Namutu tkutkokono tëto vnïpi ene vonáponnrejkoyre, naejro tkutkokyore to naechpojríksi tave’e to vnïpi, namutu tkíjrono tinn’nakko to naechpojríksi vo nákopyekyore te nakusopo eto naemnekpogne ene vo nakimtanniko to nakópyesrena.

Artículo 8

Namutu ‘chañono tkijrono to takviyvóno je’china, nae no kparäkóno taye’e ‘vósare nachitkognena tkotiuchanote nauro’o nakichojgia to naejrono tnaekcha taemotkore tajina to takepyagne tajicho to vnïpi.

Artículo 9

Nájina taemna’ okyore tajochegne’yóre, takëta’oyóre, takeutsuyre.

Artículo 10

Namutu ‘chañono tkíjrono, tajicha to nakutkokirena, náksamo ‘u nae’no ‘chañono ene to je’china majicha ma kparäko muetsïvo vo taknerioru, to takoyemgiene taye’e naejor ene takomesaiïko to naemuirena to tamochchujcha takviru ene eto temechoro’cha.

Artículo 11

1. Namutu ‘chañono te takmeturiksiono tkijrono to vo tkukotop’ravono tëto wich’o tkukechoroji to natop’rawina, tajicha to vnïpi ene te napónnrejgia no ‘chañono tëto je’china tamtu to tyupcha takomnukregne taye’eyore nakout’úre.

2. Najina takets’räyore tag’gióyre te naemoti tëto naepyasrena to taipuka vo tkuktop ‘ravono tajicha to naejro te novsára’i vo’i te’púka póna ‘vósare. Vóvóre ene nagg’gióyre to naemechoro’i mrakayorena to nanokóyre tëto naemuirena taye’e natop rawina.

Artículo 12

Najína taemkosiopy’re naemna’okyóre tëto naetorisiógne, no nachichanovióno, to napeno ene to nayéruvóno, vo nákovgiejruyre to natsi’ok’reuyóre to naemotkorevóyre. Namutu ‘chañono tkijorono to tkechopojriksiyreono taye’e to vnïpi to navorirene naemkosiopa ene ná kougiejru.

Artículo 13

1. Namutu ‘chañono tkijrono tkispkoreyóreono tpuirikonñore ene taknerioruóno to nakpeniyo tëto ‘pog’e taye’e etona ‘vósare.

2. Namutu ‘chañono tkíjrono to tiuchkoyreono tëto tajpuka‘vásaréna, eneripuini tëto novsarichu ene tchapono te novsara’i.

Artículo 14

1. Te takougieruk’re, namutu ‘chañono tk’ijrono ttanuchapono nakpeniyo, ene tiurigiapono taye’e, te tamuchchujcha ‘vósare.

2. Pjoka naejro vo tacchjis’ok’reyre tëto nanokgienena to tviosrigia te je’cheugnena taktop’ravono vo’i te’puka tejkópapo tëto tavonipi to tijiko ‘vosareóno.

Artículo 15

1. Namutu ‘chañono tkíjrono to etjoyre to novsáyre.

2. Najina taemna’oky'‘ore takichojkóyre to navsára’i etoripuini to naetsvoch’rena to novsára’i.

Artículo 16

1. No ‘jiróno ene no’senóno, te tak añurampo te tituchvono, tkíjro to vo náponnrejkoyre te tajpuka noukurena, novsara’ina, nasopgienena, naetuchapo ene nakchichanove tëto tituchapono ene te tinajik kano to naetuchravo.

2. Takejvoricu te taesopkoreono je’china naya’e no naetuchvogneyre tse eto naetuchapo.

3. No ‘chicharekono eno taejrorovi to vitorisiogne tanaeku to vimotirakoko ene vkijro to vkojane’oyore naeno ‘chañono ene te’po ‘vósare.

Artículo 17

1. Namutu ‘chañono tkíjrono to nayeónñorichu,tipktvoyre ene timkatakokonñore.

2. Najina taemna’okyore takichojkoyre to naye conrichu.

Artículo 18

Namutu ‘chañono tkíjrono tisopkoreyoreono tkopennreronñore te naemo’tgienéna ene taye’e nasopgienéna, pjoka naejro taëjiko to naesopkorevóyre to naetsvocha to nasopgienena, takutirichu tisopkoreyore naechjis’a to nasopgiene, tiptsitsigiapo takmuriompuka tëko ‘vósare tomuire taeptsïvo, tajicha to naemt’sira, to naetka, to naemotgiene to naetura’iwina.

Artículo 19

Namutu ‘chañono tkíjrono to tisopkoreyore naponnrejgia ene to naechjis’ogne, joka naejro taemuijiko to vo nakukougiejru takug’gio to naechjis’ógne, to anyoseriris’a ene najachpa nmetoropi ene naponnerjru ene naepakarajisrena, vo nakuvechasmo to taechis’a takug’gio tamuchchujcha to naechjis ognena.

Artículo 20

1. Namutu ‘chañono tkijrono to tisopkoreyoreono tiümutonñore techenchokonñore tiuriyore.

2. Najína takmesayóre tasiopmü’oyre no ‘pomriono.

Artículo 21

1. Namutu ‘chañono tkijrono to ennjö’ina nákiyakore nomuirena teye’e to ‘vósare, ennjö’ignena vo’i ‘ponaenapuka nolijvo takisopsi naneriorina.

2. Namutu ‘chañono tkijrono to tkisopkoreyorono, ene tajicha to nakutkokirayore, tëto ‘motneko tae’e ‘vósare.

3. To tavó’ ógne to ‘vosareeto naneku no kparäkono nayeé ‘chañono; jokaa novorira naechjis’a tëto tneriorikono je’chugneyre no techjikonñore tnokyore muichirerayore, to nanokikyore to ‘jiumerukono ‘muiripa’ina naktikko nakknerióksi najína tkímó mo’i ponaenapuka tajíchapo taktirichu pejchu takíja takug’giovo to takisopsiono nanokigiapo.

Artículo 22

Namutu ‘chañono, kutyore nomriwina no ‘pomriono, tkíjrono to théchpojriksiyreono to chánerano, tkóy’eyreono, to taekovgienena to ‘vósare ene tkimkatakosyoreono ‘muiripa yore, etjognena naye’e naetpirïvono ene to meriokore taye’e to ‘vsareóno, to torivóyre naejrono, pakviyvo,‘chañono ene naetka to naemotgiene, votaet najik’kore to nats’fok’reuyore ene te’po najüsirayóre to chánerano.

Artículo 23

1. Namutu ‘chañono tkijroyreono ‘motnéko, ene tisopkoreyore tkoreriöyfóre to naemo tkoneriöyóre to naemtoneyore, tajicha nakutiyörichu no‘pomriono ene takusamrechyore to ‘motnèko ene tkèchpojrksiyre puejchu takemtoñono.

2. Namutu ‘chañono tkijrono, vo taknerioru tkúkokyore to navachono te naemtone.

3. Namutu ‘chañono no tkemtoñono tkijrono to takvachegne tak’tik’kono ene táküsamrera’i, to taemrakacha, nmuirena no ‘chicharekono, to ennojö’ina natsi’ok’re to ‘chanerano ene tkoyütiyre, te tákmunnkorepuka, te tamich’chujcha Opóna nakechpojriksivo.

4. Namutu ‘chañono tkijrono naepyaka to tkumutkouka ene naechemchk’ka eto nakotiuch’a’pona nayëruvono.

Artículo 24

Namutu ‘chañono tkíjrono to tnarakano, to tnarakano norigiapo to naesopkore te sache, ene ‘puesenaricu to‘motnéko ene namra’oka taemyanapo to navachono.

Artículo 25

1. Namutu ‘chañono tkijrono to tak’tik’kono töna to naerorisra taemrákacha, enerichu nak’e no ‘chicharekono, töna to nóg’e ene eto norivoyre, enennjïcha tëto tnik’kore, namui’o nadechpojriksi nae’no róktorono ene to náechechpojriksi nae’no ‘chañono to nakukemtone, takjumampuka, iñuvokinapuka, temyeno’apka, temuima’apka, naechosiwinapuka, vo’i to ‘póna tajpuka, temtigia to nanïrenapuka to tajpuka tajichapo te ‘ponaenaríchu tëto navö’ógnena.

2. Nakaeno to ‘chicho’irano tkijrono to tkechpojriksiyreono nákimosi nae’no naeptsiono roktoróno. Namutu no moyóno nóchkognena nae’no naeturevóno najunnjipika naeyáno, takutipökóchu tkechpojrksiycóno.

Artículo 26

1. Namauto chañono tkijrono nomuirena tákisopkosiono naetkogñono tëto naetorisiogne tëto novsára’i, tiurigiapóno tëto naemtonerépi ene enjo’ina nomuiren tajusina to naemotgiene ene tëto taejrorina tochka tajicha eto.

2. Namutu ‘chañono tkijrono to tkéchpojriksiyre tëto tajpuka najichapo ene tajpukanienena tajichgienena to tochkognena naemotgienera, takaju gienena-vo’i takepygnena naepyarina no tapeyarek’ea’ono.

Artículo 27

1. Namauto‘chañono tkijrono nomuirena tákisopkosiono naetkogñono tëto naetorisiogne tëto novsára’i, tiurigiapóno tëto naemtonerépi ene enjo’ina nomuiren tajusina to naemotgiene ene tëto taejrorina tochka tajicha eto.

2. Namutu chañono tkíjrono to tkéchpojriksiyre tëto tajpuka najichapo ene tajpukanienena tajichgienena to tochkognena naemotgienera, takaju gienena-vo’i takepygnena naepyarina no tepyarek’ea’ono.

Artículo 28

Namutu ‘chañono tkijrono to naetprirgiapo to ‘chanerano ‘muiripa’ina ene tëto naejro naesopkorevo takechjisiosgiene tëto tkepyapo je’china.

Artículo 29

1. Namutu ‘chañono to nov’oyre jicho ene tajüssiyóre tisopkoreyore je’chuyre to ‘chanerano.

2. Tëto tapuisriyre to nakijrovo ene to norisiravoyre to naesopkorevoyre, namutu ‘chañono takejvorichu nakichugia navechasrano tanokfienesa to vnípitakejvoricu eto tajichgieneyore to taemrakachirayore to naemotkorevoyre ene to napikuch’rayre to naejrono ene to naesopkorevoyre no ‘pomriono, ene naküsamrecha nakotiucha nakmesa násamkore taéto ‘vósare ene te’po porivoyure namtunaesopkore naechijígia.

3. Eto jmani naejrono ene tisopkoreono vo taekyechkoreyore tëto navo’ógine te tanaekupo to tkómútko Vosareono.

Artículo 30

Tajína tëto takepyágne takechjisiósi to takijrowina to tajpuka te ‘vósare, nae’puka eto muriono vo’i etonarichpuka ‘chañe puejchu nanos’a ene tajüsi’a to ‘motnekono vo’i nanokapuka ‘póna ‘motnèko to taemponn’nojropina te tamuch’ch'’jcha to naejrono ene to naesopkorevono tqkechjisiosgiene tëto naemechemchogonena.